ဂျဲန်ဒါနှင့်ပတ်သက်၍ စံအဖြစ်ထားရှိရမည့် ပညာရပ်ဆိုင်ရာဝေါဟာရအသုံးအနှုန်းများကို အမျိုးသမီး အခွင့်အရေးနှင့် ဂျဲန်ဒါတန်းတူညီမ ျှရေးအတွက် အလေးထားလုပ်ဆောင်နေကြသည့် ပြည်တွင်း/ပြည်ပမှ အစိုးရ မဟုတ်သော အဖွဲ့အစည်းများ၊ ကုလသမဂ္ဂလက်အောက်ခံအဖွဲ့အစည်းများ၊ သုတေသီများ၊ ဘာသာရပ်လေ့လာ သူ ကျောင်းသူ/သားများအပါအဝင် မူဝါဒနှင့် ဥပဒေချမှတ်ရေးဆွဲသူများ၊ အစိုးရဌာန ဆိုင်ရာများ၊ အလှုရှင်အဖွဲ့ အစည်းများ အားလုံး မြန်မာဘာသာဖြင့် အလွယ်တကူမှီငြမ်းကိုးကား အသုံးပြုနိုင်ရန်ရည်ရွယ်၍ ညှိနှိုင်းတိုင်ပင် ဆွေးနွေးသည့် အလုပ်ရုံဆွေးနွေးပွဲကို ၂၀၁၉ ခုနှစ်၊ စက်တင်ဘာလ ၂၃ ရက်နေ့က ရန်ကုန်မြို.၊ ဆူးလေရှန်ဂရီလာဟော်တယ်တွင် ကျင်းပပြုလုပ်ခဲ့ပါသည်။ အဆိုပါ အလုပ်ရုံဆွေးနွေးပွဲကို ကနေဒါအစိုးရ ၏ငွေကြေးထောက်ပံ့မှုဖြင့် IDRC အဖွဲ့မှ ပံ့ပိုးကူညီခဲ့ခြင်းဖြစ်ပြီး ကျား၊ မ ရေးရာ တန်းတူညီမ ျှရေးကွန်ရက် (Gender Equality Network) မှကြီးမှုးကျင်းပခဲ့ခြင်းဖြစ်ပါသည်။ အလုပ်ရုံဆွေးနွေးပွဲမှာ နံနက် ၁၀ နာရီမှ မွန်းလွဲ ၃ နာရီအထိဖြစ်ပြီး အမျိုးသမီးအခွင့်အရေးနှင့် ဂျဲန်ဒါတန်းတူညီမ ျှရေးအတွက် လှုပ်ရှားတက် ကြွဆောင်ရွက်နေကြသော အဖွဲ့အစည်း ၁၃ ဖွဲ့မှ ကျား (၂) ဦး၊ မ (၁၅) ဦး၊ စုစုပေါင်း ၁၇ ဦး တက်ရောက်ပါဝင်ဆွေးနွေးခဲ့ကြသည်။ ဤအလုပ်ရုံဆွေးနွေးပွဲမှာ ပထမဆုံးအကြိမ် ကျင်းပခြင်းဖြစ်ပြီး ဂျဲန်ဒါနှင့် ပတ်သက်၍ စံအဖြစ်ထားရှိရမည့် ပညာရပ်ဆိုင်ရာဝေါဟာရအသုံးအနှုန်း ၁၃၀ ကျော်ခန့် ကို မြန်မာဘာသာဖြင့် ပြန်ဆိုအသုံးပြုရာတွင် ပညာရပ်ဆိုင်ရာ တိကျမှန်ကန်မှု၊ အဓိပ္ပါယ်ရှင်းလင်းလွယ်ကူမှု အပါအဝင် စာအုပ်အဖြစ်ထုတ်ဝေရာတွင် ထပ်မံဖြည့်စွက်ပါဝင်သင့်သည့် အသုံးအနှုန်းများနှင့် ဖွဲ့စည်းမှုပုံစံတို့ကို အဓိကတိုင်ပင် ဆွေးနွေးခဲ့ခြင်းဖြစ်သည်။



back